Túrkııada orman órti basylmaı tur
ASTANA. KAZINFORM — Túrkııanyń Mýǵla aımaǵynda orman órti kórshi aýdanǵa taraı bastady, al Antalıada órt báseńdeı bastady, dep habarlaıdy Kazinform-nyń Ankaradaǵy menshikti tilshisi.
Túrkııanyń ońtústik-batysynda, atap aıtqanda Muǵla aımaǵynyń Menteshe aýdanynda órt órship tur. ıArash aýdanynda bastalǵan órt qatty soqqan jeldiń ekpinimen kórshi otyrǵan Ýla aýdanynyń Armýtchýk eldi mekenin qorshap turǵan ormandarǵa jetti.
Órtti sóndirýge 7 ushaq, 13 tikushaq, 32 órt sóndirý kóligi, 7 býldozer, 62 sý tasıtyn kólik, 12 aýyr tehnıka jáne 232 órt sóndirýshi jumyldyrylǵan. 11 avtokólik pen jedel járdem kólikteri turǵyndardy qaýipsiz jerge kóshirip jatyr.
Ázirshe Menteshede eki, Ýlada bir — jalpy úsh úı evakýatsııalanǵan. Úsh sıyr, júzge jýyq ýaq mal qutqarylǵan. «Mýǵla — Denızlı» kúre jolyndaǵy kólik qozǵalysy qazir erekshe baqylaýda.
Al Antalıa aımaǵynyń Serık aýdanynda keshe bastalǵan órt búgin báseńdedi. 75 órt sóndirý kóligi men 3 aýyr tehnıkany qoldana tilsiz jaýmen túnimen kúresip shyqqan órt sóndirýshilerge tańerteń ushaqtar kómekke kelgen.
Bul órtterdiń tutanýyna ne sebep bolǵany ázirshe belgisiz.
Eske salaıyq, buǵan deıin Túrkııanyń úsh aýdanynda orman órtengen. Artynsha kúdikti retinde 12 adam ustalǵan.
Nurlan Tuıaqov
