Túrkııada oraza aıttyń birinshi kúni 800-ge jýyq jol apaty boldy

ASTANA. KAZINFORM — Bul týraly Túrkııa Іshki ister mınıstrliginiń basshysy Álı Erlıkaıa habarlady, dep jazady Azertadj.

Túrkııada Ramazan merekesine baılanysty jarııalanǵan toǵyz kúndik demalystyń alǵashqy kúninde 766 jol-kólik oqıǵasy tirkelip, bes adam qaza boldy, taǵy 1219 azamat zardap shekti.

Vedomstvo basshysynyń aıtýynsha, jol polıtsııasy apatty jaǵdaılardyń yqtımaldyǵyn azaıtý úshin joldarda qatań baqylaýdy júzege asyryp jatyr.

— Tek 29 naýryz kúni polıtsııa 508 962 júrgizýshiniń qujattaryn tekserdi, nátıjesinde ondaǵan myń avtokólik ıesine aıyppul salyndy, onyń ishinde ruqsat etilgen jyldamdyqtan asyp ketkeni úshin aıyppul arqalaǵandar bar, — dep jazdy Erlıkaıa áleýmettik jelidegi paraqshasynda.

Sonymen qatar, mınıstr jol-kólik apaty qurbandarynyń týystary men jaqyndaryna kóńil aıtyp, zardap shekkenderdiń tezirek saýyǵyp ketýin tiledi.

Buǵan deıin habarlanǵandaı, Qasym-Jomart Toqaev pen Rejep Taıyp Erdoǵan telefon arqyly sóılesti. Qazaqstan men Túrkııa prezıdentteri bir-birin Oraza aıt merekesimen quttyqtap, eki el halyqtaryna baq-bereke tiledi.