Túrkııada nemerelerin baǵatyn ájelerge jalaqy tólenedi
ASTANA. QazAqparat - Túrkııada balalary jumys jasaǵanda, nemerelerin baǵatyn ájelerge jalaqy tólenetin synamaly joba iske qosylady, dep habarlaıdy Trend.
Túrkııanyń eńbek jáne áleýmettik qorǵaý mınıstri Mehmet Mýazzınoǵlynyń aıtýynsha, joba aǵymdaǵy jyldyń naýryz aıynda bastalady. Jobanyń maqsaty - áıelderdi jumyspen qamtamasyz etip, tolyq jumys kúnine aýysýǵa múmkindik týdyrý, dep málimdedi ol juma kúni.
«Joba tórt provıntsııada bastalady, bastapqy kezeńde 5 myń otbasy qamtylady. Alty aıdan keıin saraptamanyń nátıjesine oraı, Túrkııanyń basqa da provıntsııalarynda júrgiziledi», - dep aıtylady habarlamada.
Belgili bolǵandaı, ájelerdiń eńbekaqysy eń tómengi jalaqynyń 30%-yn quraıtyn bolady. Túrkııada eń tómengi jalaqy 2017 jyly 1404 túrik lırasyn quraıdy.
Túrkııa statıstıkalyq ınstıtýtynyń deregine súıensek, elde áıelderdiń 33%-y jumys jasaıdy.
