Túrkııada naızaǵaıdyń saldarynan otqa oranyp, jerge qonǵan ushaq VIDEOǴA túsirildi
ASTANA. 25 qańtar. QazAqparat - Búgin Ystambul-Izmır baǵyty boıynsha ushqan Turkish Airlines áýekompanııasynyń reısi qaıǵyly oqıǵamen aıaqtala jazdady.
Jerge qonýǵa jaqyn qalǵan ushaqqa jaı tústi, sonyń saldarynan ushaqtyń qozǵaltqyshtarynyń biri otqa orandy. Keltirilgen zaqymǵa qaramastan ushaqtyń ekıpajy basqarý tetiginen aıyrylmaı, jerge qondyrdy, dep habarlady NEWSru.com.
Airbus A-321 ushaǵy Atatúrk atyndaǵy Ystambul halyqaralyq áýejaıynan beısenbi kúni saǵat 23:15-te ushyp shyqqan. Ushaqtyń ushýy jerge qonǵanǵa deıin qalypty rejımde atqaryldy. Alaıda 112 jolaýshy mingen ushaq jerge qonýǵa daıyndalar kezde onyń oń jaq qozǵaltqyshyna jaı túsken. Týrbına áp-sátte otqa orandy, dep habarlady Haber Turk.
Bortta bolǵan adamdardyń eshqaısysy zardap shekken joq.
