Túrkııada mıgranttar mingen avtobýs aýdaryldy
EDIRNE. Anadoly - QazAqparat – Túrkııanyń soltústik-batysynda Edırne provıntsııasy Lalapasha aýdanynda Ystanbuldan Bolgarııaǵa bara jatqan mıgranttar mingen avtobýs aýdaryldy, dep habarlaıdy QazAqparat Anadolyǵa silteme jasap.
Apat Tashlymıýsellım eldi mekenine jaqyn jerde bolǵan. Júrgizýshini qosqanda 16 adam zardap shekti.
Aldyn ala málimet boıynsha, júrgizýshi rýldi basqara almaı, kólik quraly joldan shyǵyp ketip, aýdarylǵan.
Zardap shegýshiler Edırne aýrýhanasyna jetkizildi. Bir adamnyń jaǵdaıy aýyr.
Mıgranttar Ystanbuldan Bolgarııaǵa bara jatqanyn aıtqan, shaǵyn avtobýs salonynda 30-dan astam adam bolǵan.
Zardap shekkenderdiń bir bóligi jol apaty bolǵan kezde oqıǵa ornynan qashyp ketken.
