Túrkııada mektepte taǵy atys boldy: 4 adam qaza taýyp, ondaǵan adam jaraqat aldy
ASTANA. KAZINFORM – Túrkııanyń Kahramanmarash provıntsııasyndaǵy mektepte atys boldy, dep habarlaıdy Kazinform agenttiginiń Ankaradaǵy menshikti tilshisi.
Aımaq gýbernatory Mıýkkerem ıÝnlıýerdiń aıtýynsha, shabýyl saldaryna tórt adam qaza tapty — úsh oqýshy jáne bir muǵalim. Taǵy 20-ǵa jýyq adam jaraqat aldy.
Túrkııanyń ádilet mınıstri Akyn Gıýrlektiń habarlaýynsha, Kahramanmarash prokýratýrasy tergeý amaldaryn bastady. Іs boıynsha birneshe prokýror taǵaıyndaldy jáne qazirdiń ózinde oqıǵa ornynda tergeý amaldaryn júrgizip jatyr.
Túrkııanyń Іshki ister mınıstri Mustafa Chıftchı qaıǵyly oqıǵanyń mán-jaıyn tekserý úshin aımaqqa ınspektorlardy jiberýdi buıyrdy.
Bilim mınıstri ıÝsýf Tekın men Densaýlyq saqtaý mınıstri Kemal Memıshoglý da Kahramanmarashqa shyqty.
Tergeý amaldary jalǵasyp jatyr, bılik jaǵdaı aıqyndalǵan saıyn halyqty habardar etýge ýáde berdi.
Osyǵan deıin Túrkııanyń Shanlyýrfa provıntsııasyndaǵy Sıverek qalasynda burynǵy oqýshy lıtseı ǵımaratynda oq jaýdyrǵanyn habarladyq. Shabýyl saldarynan 16 adam jaraqat aldy.
