Túrkııada medıtsına jáne kosmetologııa maqsatynda saryshaıan ósirýge ruqsat etildi

ASTANA. KAZINFORM – Eldegi 86 kompanııaǵa saryshaıandardy olardyń ýyn medıtsınalyq jáne kosmetologııalyq maqsatta paıdalaný úshin lıtsenzııalar aıasynda jańa múmkindikter berilip, qatań shekteýler qoıyldy, dep habarlaıdy Kazinform menshikti tilshisi.

 Түркияда медицина және косметология мақсатында шаян өсіруге рұқсат етілді
Фото: gzt.com

Jobada saryshaıandardyń Androctonus turkiyensis sııaqty tóltúrine erekshe nazar aýdarylyp otyr, olardyń ýy qoldaný spektri keń ý qaıtaratyn dári-dármekter ázirleý úshin baǵaly bolyp tanyldy.

Mamandardyń aıtýynsha, bul ýdan óndiriletin dáriler tek ishki naryqta ǵana emes, eksport naryǵynda da suranysqa ıe bolady.

Mamandandyrylǵan sharýashylyqtar ornalasatyn negizgi aımaqtarǵa Shanlyýrfa, Konıa, Elıazyg jáne t.b. provıntsııalar kirip otyr. Jobany Túrkııanyń Aýyl sharýashylyǵy jáne orman sharýashylyǵy mınıstrligi qadaǵalaıdy, bul qaýipti jándikterdi ósirý kezinde barlyq ekologııalyq jáne quqyqtyq normalardyń saqtalýyn qamtamasyz etedi.

Vedomstvoda atap ótilgendeı, eldegi mundaı jańashyldyqtar tabıǵı quramdas bólikterge negizdelgen joǵary sapaly preparattar arqyly bıofarmatsevtıkalyq salany damytady.

Alaıda Túrkııada jabaıy tabıǵatta saryshaıandardy ruqsatsyz aýlaýǵa qatań tyıym salynǵan. Bul tyıymdy buzǵany úshin aıyppul 557 myń túrik lırasyna (shamamen 15 myń dollar) jetýi múmkin.

Osylaısha, jańa joba Túrkııanyń bıofarmatsevtıkalyq ındýstrııasyn damytýǵa qosymsha múmkindikter ashyp qana qoımaı, sırek kezdesetin jáne qaýipti saryshaıan túrlerin qorǵaý, olardyń tabıǵatta saqtalýyn qamtamasyz etý boıynsha belgili bir sharalardy qamtıdy.

Osyǵan deıin Túrkııanyń áskerı ónim eksporty boıynsha jańa rekord ornatqanyn jazdyq.

 

Сейчас читают