Túrkııada marqum kenshilerdi eske alý sherýi qaqtyǵysqa ulasty - VIDEO
ASTANA. QazAqparat - Túrkııanyń Ystambul qalasynda apattan qaza tapqan kenshilerdi eske alýǵa arnalǵan sherý sońy polıtsııamen qaqtyǵysqa ulasty, dep jazady 24.kz.
Bul ereýil jergilikti bılikpen kelisilmegen bolyp shyqty. Tártip saqshylary jurtqa kózden jas aǵyzatyn gaz shashyp, sý atqylady. Ereýilshiler barrıkadalar turǵyzyp, otty shólmekter laqtyrdy. Osyndaı janǵysh ydystyń biri polıtsııa kóligine tıip, otqa orandy. Sherýshilerdiń biri basynan aýyr jaraqat alyp, aýrýhanaǵa tústi. Esterińizge sala keteıik, ótken aptada ken ornyndaǵy jarylys saldarynan 300-den astam kenshi kóz jumdy. Osy qaıǵyly oqıǵadan keıin halyq úkimettiń otstavkaǵa ketýin talap etip, kóptegen qalada narazylyq sharalaryn ótkizdi.
