Túrkııada maqta jınap júrgen úsh jetkinshek qaza tapty
ASTANA. QazAqparat - Túrkııada maqta alqabynan úsh jetkinshektiń denesi tabyldy. Aldyn ala málimetter boıynsha, balalar maqta úıindisinde uıyqtap, tunshyǵyp qalǵan.
Qaıǵyly oqıǵa 19 qazan kúni tańerteń eldiń ońtústik shyǵysyndaǵy Shanlyýrfa oblysynda bolǵan. Bireýi - 12, qalǵan ekeýi 14-ke tolǵan balalar egistikke ata-analarymen birge maqta jınaýǵa kelgen, dep habarlaıdy Hurriyet.
Áldebir ýaqytta balalar joǵalyp ketedi. Polıtsııa qyzmetkerleri shaqyrylyp, júrgizilgen izdeý jumystary nátıjesinde olar jınalǵan maqta úıindisiniń astynan tabylǵan.
Úıindi ústinde uıyqtap jatqan jetkinshekterdiń ústine maqta qulap, tunshyǵyp qalǵan degen boljam jasalyp otyr. Poltsııa oqıǵanyń jaı-japsaryn anyqtap jatyr.
