Túrkııada MÜSİAD EXPO halyqaralyq kórmesi ótedi
Ár eki jyl saıyn bir ret densaýlyq saqtaý, energetıka, qorǵanys ónerkásibi, qurylys, azyq-túlik, tekstıl, mashına óndirisi, IT tehnologııalary t.b. salalaryndaǵy álemniń eń úzdik kásiporyndary jáne kásipkerleriniń qatysýymen ótetin bul halyqaralyq sharaǵa Túrkııa bıligi qoldaý kórsetip keledi.
MÜSİAD EXPO-nyń maqsaty - álemdegi úzdik kompanııalar men kóshbasshy kásipkerler arasynda jahandyq bıznes jelisin ornatý, álemdik naryqtyń kóshbasshylaryn anyqtaý, shaǵyn jáne orta bıznesti nyǵaıtyp, olardyń órkendeýin qamtamasyz etý. Atalǵan kórme álemdik deńgeıdegi eń úzdik ekspo ortalyqtarynyń biri bolyp sanalatyn «CNR İstanbul» kesheninde ótedi.
Oǵan tańdaýly 848 sheteldik jáne 200-den astam túrik kompanııalary qatysyp, tórt júzden astam iri kompanııa basyshylarynyń qatysýymen B2B formattaǵy kezdesýler uıymdastyrylady.
aıasynda densaýlyq saqtaý, qurylys jáne qurylys zattary, jyljymaıtyn múlik, tekstıl, mashına ónerkásibi, týrızm, medıa, azyq-túlik, logıstıka, jıhaz ónerkásibi, IT, oqytý-aǵartý, energetıka sekildi 25 negizgi sektor boıynsha 24 elden keletin 450+ sheteldik jáne túrik kompanııalary «B2B» kezdesýlerin ótkizedi.
17-shi MÜSİAD EXPO kezinde, ıaǵnı, 21-24 qarasha kúnderi CNR İstanbul kesheninde halyqaralyq kórmemen qatar, qorǵanys pen aeroónerkásip salasyn damytýǵa arnalǵan MÜSİAD HIGH-TECH PORT kórmesi men 22-shi halyqaralyq bınes forým ótetin bolady.
MÜSİAD HIGH-TECH PORT kórmesi sheńberinde Qatar, BAÁ, Saýd Arabııasy, Bahreın, Kývveıt, Oman, Iordanııa, Marokko, Týnıs, Aljır, Nıgerııa, Ońtústik Afrıka, Brazılııa, Chılı, Kolýmbııa, Indonezııa, Malaızııa, Pakıstannyń qarýly kúshteri men qorǵanys mınıstrlikteri tájirıbe bólisip, salalyq áriptestik boıynsha kelissózder júrgizetin bolady.
