Túrkııada laı kóshkini júrip, 1 adam kóz jumdy

ASTANA.KAZINFORM - Túrkııanyń Rıze provıntsııasynda laı kóshkin júrip, bir adam kóz jumdy. Bul týraly Kazinform-nyń menshikti tilshisi habarlaıdy.

Aldyn ala málimet boıynsha, tabıǵı apatynan bir adam kóz jumyp, taǵy 4 adam ártúrli jaraqat aldy.

Laı kóshkini qatty nóser jańbyr saldarynan bolǵan. Oqıǵa ornyna jedel jetken jergilikti bılik pen qutqarý qyzmeti zardap shekkenderge kómek kórsetip, shyǵyn kólemin baǵalap jatyr. Chaıelı meri Ismaıl Hakky Chıftchı turǵyndardy ásirese kóshkin qaýpi bar aımaqtarda saq bolýǵa shaqyrdy.

«Jańbyrly maýsym bizden qyraǵylyqty talap etedi. Biz mundaı oqıǵalardyń saldaryn barynsha azaıtý úshin qajetti sharalardy qabyldap jatyrmyz», - dedi ol.

Qazir aýmaqty tazartý jáne qalpyna keltirý jumystary júrgizilip jatyr.