Túrkııada lańkester Baký-Tbılısı-Erzýrým gazqubyryn jaryp jiberdi
ASTANA. QazAqparat - Túrkııanyń Kars provıntsııasynda lańkester Baký-Tbılısı-Erzýrým gazqubyrynda jarylys jasady. Atalǵan provıntsııa basshylyǵy terrorlyq áreketti «Kúrdstannyń jumysshylar partııasy» degen uıym sodyrlary jasaǵanyn habarlady, dep jazady «TASS» agenttigi.
Jarylys dúısenbi kúni keshke Saryqamys ýezini mańyndaǵy magıstralda bolǵan. Jarylysty jasaýǵa 20-ǵa jýyq adam qatysqan. Jergilikti telearnalardyń habarlaýynsha qubyr arqyly gaz ótkizý toqtatylyp, órt sónidirildi. Oqıǵa ornyna qaýipsizdik qurylymdary kelip, aýdan jergilikti polıtsııa men áskerılerdiń baqylaýyna alyndy. © AP Photo:Emrah Gurel
