Túrkııada kúshti jer silkinisi boldy
ASTANA. 20 mamyr. QazAqparat - Túrkııada qatty jer silkinisi boldy. AQSh Ulttyq geologııalyq ortalyǵy jer silkinisiniń kúshin 6 ball dep baǵalady.
Bul týraly RBK agenttigi habarlaǵan.
Jer dúmpýleriniń kindigi Ýsak qalasynan 53 shaqyrym jerde 4.6 shaqyrym tereńdikte bolǵan. Tsýnamı qaýipi týraly ázirge aqparat kelip túsken joq.
Polıtsııa ókilderine silteme jasaı otyryp Associated Press agenttiginiń habarlaǵanyndaı, zilzala saldarynan eldiń batysynda 20 adam zardap shegip, 2 adam qaza tapty.
Kóz jumǵandardyń biri terezeden sekirip ketken er adam bolsa, jasy kelgen áıel adam júrek talmasynan kóz jumǵan.
2010 jyldyń 8 naýryzy kúni Túrkııada bolǵan joıqyn jer silkinisi 60 adamnyń ómirin qıyp, 100-ge jýyq adam jaraqat alǵan edi.
