Túrkııada kúrd sodyrlary áskerı qosynǵa oq jaýdyrdy, 26 adam mert boldy
ASTANA. 20 maýsym. QazAqparat - Túrkııanyń ońtústik-shyǵysynda qarýly qaqtyǵys boldy.Kúrd sodyrlarynyń uıymdasqan toby túrikterdiń áskerı qosynyna shabýyl jasady,
dep habarlady RBK.
Mınomet, granatomet jáne ózge de atys qarýlarynan oq jaýdyrýdyń saldarynan 8 áskerı qyzmetker óltirilip, 16-y jaraqat aldy. Qarsylyq kórsetilip, 18 lańkestiń kózi joıyldy.
Túrik-ıran shekarasynda oryn alǵan kezekti oqıǵa Ankarany dúr silkindirdi. Meksıkada jumys saparymen júrgen eldiń Premer-Mınıstri Taııp Radjep Erdogan kúrd sodyrlarymen kúresti kúsheıtip, isti aıaǵyna deıin jetkizýge ýáde berdi. Ol sodyrlardan qaqtyǵysty toqtatyp, qarýlaryn tastaýǵa shaqyrdy.
«Erte me keshpe báribir biz jeńemiz. Lańkester qarýlaryn qoldanýdan bas tartqandary durys, olardyń basqa amaly joq», - dedi ol jýrnalısterge.
Bul shabýylǵa baılanysty shuǵyl jaǵdaıda respýblıkanyń mınıstrler kabıneti shaqyryldy. Onyń tapsyrmasy boıynsha shabýyl jasalǵan aýdanǵa joǵary laýazymdy áskerıler bastaǵan arnaıy komıssııa jiberilip, qaýipsizdik sharalary kúsheıtildi.
Esterińizge sala keteıik, 2011 jyldyń tamyz aıynan bastap Túrkııanyń ońtústik-shyǵysynda túrikter men osy jerde turatyn kúrdter arasynda qaqtyǵystar oryn alyp keledi. Áskerı qosyndarǵa jáne áskerı baqylaý ótkizý oryndaryna jasalǵan birneshe shabýyldardyń saldarynan 30-dan astam sarbaz jáne polıtsııa qyzmetkerleri óltirildi. Al resmı bılik ókilderi ırak aýmaǵynyń lagerlerine qarsy shabýyldarmen jaýap berdi.
