Túrkııada Qurban aıt meıramyn atap ótý úshin 9 kún demalys berildi
ASTANA. QazAqparat - Túrkııada Qurban aıt meıramyn atap ótý úshin 9 kún demalys berildi, dep habarlady «Habar» telearnasy.
Qurban aıt qarsańynda Ystambul avtovokzalynda qarbalas jolaýshy da qalyń. Sebebi bıletter kúni buryn satylyp ketken. Merekege erte qamdanǵandar avtobekette alańsyz otyrsa, aıaqasty jolǵa shyqqandar áýre-sarsań.
Bıyl Túrkııada ulyq meıramdy atap ótý úshin 9 kún demalys berildi. Sondyqtan halyqtyń deni osy Qurban aıtta týǵan jerlerine, aýyldaǵy aǵaıyndaryna qydyryp barmaq. Bul kúnderi Ystambul qalasynyń bir ǵana ortalyq avtovokzalynan 10 mıllıondaı jolaýshy qatynaıdy. Osy jaǵdaıǵa baılanysty ákimshilik avtobýs sanyn 8 jarym myńǵa deıin kóbeıtken.
