Túrkııada Qurban aıt merekesine oraı 10 kún demalys beriledi
ASTANA. QazAqparat - Bıyl Qurban aıt merekesiniń qurmetine oraı túrkııalyqtarǵa 10 kún demalys beriledi. Bul týraly Habar 24 habarlady.
Bul sheshim úkimettiń keńeıtilgen otyrysynda qabyldanǵan. Osyǵan sáıkes mereke kúnderi qalaaralyq baǵyttar boıynsha avtojoldar men kópirlerde kólik qatynasyna aqy alynbaıdy. 10 kúndik demalys ásirese týrızm salasyndaǵy kásipkerlerdi erekshe qýantty.
Egeı týrıstik qaýymdastyǵynyń tóraǵasy Mehmet Ishlerdiń aıtýynsha, Qurban aıtta 1 mln-ǵa jýyq saıahatshy keledi.
«30 tamyz Jeńis meıramy bıyl Qurban aıtqa ulasady. Osyǵan baılanysty otandastarymyz týǵan-týystaryn aralaýyna zor múmkindik týyp otyr. Sondaı-aq merekelik demalys otandyq týrızm salasyna jáne saýda aınalymyna da oń yqpalyn tıgizedi dep esepteımiz»,-deıdi TR premer-mınıstriniń orynbasary Bekır Bozdaq.
