Túrkııada Qurban aıt merekesi erekshe toılandy
ASTANA. 28 qazan. QazAqparat - Rýhanı baıytyp, birligimizdi bekemdeıtin Qurban aıt merekesin álemniń túkpir-túkpirinde toılap jatyr.
Al 80 myńǵa jýyq meshiti bar Túrkııa halqynyń 90 paıyzdan astamy ıslam dinin ustanady. Bul elde Alla razylyǵy úshin qurban shalǵandar bıyl jyldaǵydan da kóp bolǵan.
Musylmandardyń ulyq merekesi Qurban aıt Túrkııada qazannyń 25 kúni bastaldy. Halyq bir-birin meırammen quttyqtap, Alla razylyǵy úshin shaldy.
Jer qaıysqan jurty bar Anadolynyń iri qalalary men kóshelerin kóterińki kóńil-kúı kernep turdy. Qurban aıttyń qadirin biletin túrik baýyrlarymyz mereke kúnderi mádenı saýyq quryp, demala biletin el ekenin de kórsetti. Túrik jurtyna erekshe kóńil-kúı syılaǵan Qurban aıt Ankaraǵa aıryqsha óń berip tur. Bul meıramnyń eldi biriktirýshilik sıpaty bar ekeni taǵy da bir dáleldendi. Túbi bir túrik baýyrlarymyzdyń dinı senimi qazaqqa qatty uqsas. Qasıetti Qurban aıtty toılaý kezinde kópshilik soǵan kóz jetkizedi, dep habarlady «Qazaqstan» ulttyq telearnasy.
