Túrkııada quny 1 mıllıon dollar turatyn banknot tabyldy
ASTANA. QazAqparat - Túrkııada quny 1 mıllıon dollarlyq banknot tabyldy, dep habarlaıdy 24.kz epochtimes.ru-ǵa siltememen.
Biregeı banknot jalǵan aqsha jasaýshylardy ustaý kezinde polıtsııanyń qolyna tústi. Eń qyzyǵy, qylmyskerlerden bul aqshanyń jalǵan emestigin rastaıtyn sertıfıkat ta tabylǵan. Artynsha tártip saqshylary qundy qaǵazdy eldiń Ortalyq bankine tapsyrdy.
1 mıllıon dollarlyq banknottyń qundylyǵy óte joǵary. Biraq ol resmı aqsha birligi emes jáne onymen tólem jasaýǵa bolmaıdy. Mundaı aqsha 1988 jyly AQSh-ta shekteýli tırajben shyǵarylǵan. Banknotany onyń nomınaldy qunyna, ıaǵnı 1 mıllıon dollarǵa satyp alýǵa bolady.
