Túrkııada qýatty jer silkinisi boldy

Jerasty dúmpýleri jergilikti 13:41 saǵatta Tabanly aýylynda tirkeldi, onyń negizgi oshaǵy 20 shaqyrym tereńdikte ornalasqan. Sońǵy málimetter boıynsha qaza tapqandardyń sany 85, jaralanǵandardyń sany - 500-1000 aralyǵynda bolýy múmkin.

Erjısh ýezindegi Van qalasynda elýge jýyq ǵımarattar qırap, aımaqtyń kóptegen turǵyndary baspanasyz qaldy. Zilzala oshaǵyna aınalǵan aımaq elektr jeli men gazdan úzilip, Tabanly aýylynyń tóńiregindegi joldar tolyǵymen isten shyqty.

Qutqarý jumystary men eldi mekendi tazalaý is-sharalaryna Túrkııanyń qalalarynan polıtsııa qyzmetkerleri men qutqarý toptary tartyldy. Zilzaladan zardap shekkenderdiń sany ósýde.

Zilzala tolqyndary Armenııa, Grýzııa, Iran sııaqty kórshi memleketterde de sezilgen bolatyn.

Van qalasyndaǵy jer silkinisine baılanysty kóptegen memleket basshylary kóńil aıtyp, Túrkııaǵa kómek kórsetý tilegin bildirdi.