Túrkııada koronovırýs juqtyrǵan ekinshi adam anyqtaldy
Juma kúni eldiń Densaýlyq saqtaý mınıstri Fahrettın Kodja Twitter-de osylaı jazdy.
Densaýlyq saqtaý mınıstrliginiń basshysy 12 naýryz kúni keshkisin alynǵan taldaý oń nátıje kórsetkenin habarlady. Onyń aıtýkynsha, Túrkııada koronavırýsty juqtyrǵan ekinshi adam birinshi juqtyrǵan adammen baılanysta bolǵan.
«Ókinishke qaraı, bizdiń boljamymyz aqtaldy. Taǵy bireý aýrý juqtyrdy. Ol birinshi adam anyqtalǵannan keıin birden karantınge alyndy. Biz jaǵdaıdy baqylaýǵa alý úshin qoldan kelgenniń bárin istep jatyrmyz. Bul máseleni birlesip sheshe alamyz», - dep jazdy Kodja.
Jańa úlgidegi koronavırýs (Covid-19) alǵash ret 2019 jyldyń 12 jeltoqsanynda Qytaıdyń Hýbeı provıntsııasynda Ýhan qalasynda anyqtalǵan edi. Іndet basqa qalalar men elderge tez tarap ketti.
Dúnıejúzilik densaýlyq saqtaý uıymy koronavırýsty pandemııa dep baǵalady.