Túrkııada koronavırýstan kóz jumǵandar sany rekordtyq deńgeıge jetti

NUR-SULTAN. QazAqparat - Túrkııada COVID-19 týyndaǵan ólim-jitimniń táýliktik rekordy jańartyldy, dep habarlaıdy QazAqparat Vedomstvoaralyq komıssııanyń telegram kanalyna silteme jasap.

Túrkııada koronavırýstyq ınfektsııamen aýyrǵan naýqastar arasyndaǵy táýliktik ólim kórsetkishi rekordtyq deńgeıge jetti. Sońǵy táýlikte 153 adam qaıtys boldy.

Elde koronavırýs pandemııasy ekinshi shyńyna jetti. 22 qarasha kúni, elde pandemııa bastalǵaly bergi ýaqyttaǵy bir táýlik ishinde koronavırýs ınfektsııasyn juqtyrý jaǵdaılarynyń eń joǵary kórsetkishi anyqtaldy – 6 017 jaǵdaı.
Túrkııa memleketinde COVID-19 juqtyrýdyń 6713 jańa jaǵdaıy tirkeldi, jalpy juqtyrǵandar sany – 453 535, qaıtys bolǵandar – 12 511 adam. 4 409 adamnyń ahýaly nashar dep baǵalanýda.