Túrkııada koronavırýsqa qatysty jalǵan aqparat taratqandar 2 jylǵa sottalýy múmkin

ANKARA. ANADOLY - QazAqparat – Túrkııada koronavırýspen aýyrǵandarmen baılanysta bolǵan adamdar týraly jalǵan aqparat taratqandar 3 aıdan eki jylǵa deıin túrmege jabylýy múmkin. Bul týraly QazAqparat Anadoly agenttigine silteme jasap habarlaıdy.

Agenttiktiń habarlaýynsha, azamattardyń belgili bir sanaty naýqastardy, ásirese jeke sektor qyzmetkerlerin oqshaýlaýdyń ekonomıkalyq saldaryn boldyrmaýǵa úmittenip, polıtsııa men densaýlyq saqtaý mınıstrliginiń qyzmetkerlerinen baılanystary týraly aqparatty jasyrǵandy jón kóredi.

Mundaı áreketter zańmen qýdalanady jáne Túrkııanyń Qylmystyq kodeksiniń 206-babyna sáıkes 3 aıdan eki jylǵa deıin bas bostandyǵynan aıyrý nemese aıyppul qarastyrylǵan dep kórsetilgen.

Sońǵy málimetter boıynsha, Túrkııada koronavırýs ınfektsııasy jaǵdaılarynyń sany 308 069-ǵa jetti, onyń 270 myńnan astamy aýrýynan aıyqty.