Túrkııada koronavırýs juqtyrǵandar sany 200 myńnan asty

ANKARA. ANADOLY-QazAqparat – Búginge deıin Túrkııada 176 965 patsıent koronavırýs ınfektsııasynan jazylyp shyqty, dep málim ettti beısenbi kúni eldiń densaýlyq saqtaý mınıstri Fahrettın Kodja óziniń Twitter paraqshasynda. Bul týraly QazAqparat Anadoly agenttigine silteme jasap habarlaıdy.

Vedomstvo basshysynyń aıtýynsha, sońǵy táýlikte Túrkııada taǵy 12 adam COVID-19 vırýsynan kóz jumǵan. Elde aýrýdan qaıtys bolǵandar sany 5167 adamǵa jetti.

Mınıstr koronavırýs juqtyrýdyń tirkelgen jaǵdaılarynyń jalpy sany 202 284 ekenin, taǵy 1186 naýqastyń testi oń nátıje kórsetkenin atap ótti.

Densaýlyq saqtaý mınıstrligi basshysynyń málimetinshe, ótken táýlikte COVID-19 vırýsynyń bar-joǵyn tekseretin 49 714 test jasalǵan.

Al aýrý bastalǵaly beri 3,48 mln taldaý alynǵan.