Túrkııada koronavırýs juqtyrǵandar sany 18-ge jetti

ANKARA. QazAqparat – Anadoly – Túrkııada jańa úlgidegi koronavırýs (Covid-19) juqtyrýdyń taǵy 12 jaǵdaıy tirkeldi, dep jazdy Túrkııa Respýblıkasy Densaýlyq saqtaý mınıstrliginiń basshysy Faahrettın Kodja Tvıtterde. Bul týraly QazAqparat Anadoly agenttigine silteme jasap habarlaıdy.

Osylaısha, elde aýrý juqtyrǵandar sany 18 adamǵa jetti.

«Jańadan aýrý juqtyrǵandar sany 12 boldy. Qazirgi ýaqytta naýqastardyń jalpy sany – 18 adam», - dedi vedomstvo basshysy.

Onyń aıtýynsha, koronavırýsqa tapsyrǵan synamasy oń nátıje bergen eki naýqas Túrkııada COVID-19 vırýsyn birinshi juqtyrǵandarmen baılanysta bolǵan.

Kodjanyń aıtýynsha, aýrý juqtyrǵandardyń jeteýi - Eýropa elderinde, úsheýi – AQSh-ta bolǵan.