Túrkııada koronavırýs juqtyrǵan 89 jastaǵy qarııa kóz jumdy

ANKARA. QazAqparat - Túrkııada koronavırýstan birinshi adam kóz jumdy, dep habarlaıdy QazAqparat Anadoly agenttigine silteme jasap.

Túrkııa densaýlyq saqtaý mınıstri Fahrettın Qoja koronavırýstyń jańa túrinen bir adam qaıtys bolǵanyn habarlady.

Onyń aıtýynsha, patsıenttiń jasy 89-da.

«Oǵan qaýipti indetti taıaýda Qytaıdan ushyp kelgen qaramaǵyndaǵy jumysshysy juqtyrǵan», -dep túsindirdi Qoja.

Vedomstvo basshysynyń sózine sensek, eldegi Covid-19 ınfektsııasyn juqtyrǵandar sany búginde 98 adam.

Mınıstr koonavırýstyń aldyn alý sharalaryn qatań saqtaý kerektigin eskertti.