Túrkııada koronavırýs vaktsınasyna qatysty 6 joba júzege asyrylyp jatyr
Qazirgi kezde Túrkııanyń densaýlyq saqtaý ınstıtýttary basqarmasynyń (TÜSEB) Erdjıes, Hadjettepe, Marmara, Atatúrik, Aqdenız ýnıversıtetteri jáne Iyldyz tehnıkalyq ýnıversıtetinde jańa tıptegi koronavırýs ınfektsııasyna qarsy vaktsınalardy shyǵarý boıynsha 6 túrli joba júzege asyrylyp jatyr. Bul týraly TÜSEB basshysy, professor Erhan Akdogan málim etti. .
Onyń aıtýynsha, Erdjıes ýnıversıtetterinde ázirlengen vaktsına klınıkalyq synaqtyń ekinshi fazasynan ótkizilip jatyr.
«Ýnıversıtetterdegi jumys jalǵastyrylyp jatyr. Búgingi ǵylym – erteńgi kúnniń tehnologııasy. Erdjıes ýnıversıtetinde jasalǵan vaktsınany synaý jalǵastyrylýda, sońǵy nátıjeni jarııalaýǵa az ǵana ýaqytymyz qaldy», - dep atap ótti ol.
Professor eriktilerge synaqtyń ádettegideı úsh kezeńde ótkizilip jatqanyn túsindirdi.
«Birinshi kezeńde klınıkalyq synaq 40-50 adamnan quralǵan shaǵyn topqa ótkizilip otyr. Synaqtyń ekinshi fazasynda bul san 100 adamǵa deıin kóbeıedi. Al úshinshi fazaǵa myńdaǵan erikti adam qatysýy kerek», - dedi Akdogan.
Onyń aıtýynsha, Erdjıes ýnıversıtetin ınakıvtelgen vaktsınany shyǵarý jumystaryn júrgizý ústinde.
«Zertteý ári ázirleý jumystary belgili bir protsesti talap etedi, qazirgi kezde bul zertteýler jalǵastyrylyp otyrǵanyn aıta alamyn. Klınıkalyq synaqtyń úshinshi fazasy aıaqtalyp, Túrkııanyń Farmatsevtıka jáne medıtsınalyq jabdyqtar jónindegi agenttiginiń qajetti ruqsaty alynǵan soń vaktsınalar shyǵarylyp, jan-jaqty vaktsınalaý bastalady. Túrkııada vaktsınalardyń jeke óndirisi retke keltiriledi», - dedi ol.
Eske sala ketsek, qazaqstandyq QazCovid-in vaktsınasyn klınıkalyq synaýdyń úshinshi kezeńi ótkizilip jatyr. Otandyq vaktsına klınıkaǵa deıingi zertteýden, birinshi jáne ekinshi fazadan ótti. QR Prezıdenti Qasym Jomart-Toqaevtyń aıtýynsha, jospar boıynsha elimizde 6 mıllıonnan astam adamǵa vaktsına salynýy kerek.
