Túrkııada kontrafaktili ishimdikten 59 adam kóz jumdy
ASTANA. KAZINFORM – Túrkııada metıl spırtinen ýlanǵan 59 adam qaıtys bolyp, taǵy 35-i aýyr halde jansaqtaý bólimine túsken.
Ankarada kontrafaktili ishimdiktiń saldarynan bolǵan qaıǵyly oqıǵalar áli de tolastar emes. Ankara prokýratýrasy aımaqtyq prokýratýralarmen birlesip, kontrabanda jáne qasaqana adam ólimine ákep soqtyrý faktileri boıynsha aýqymdy tergeý júrgizip jatyr. Qazirgi ýaqytta 28 kúdikti ustaldy, iske qatysy bar taǵy 30 adam qolhatpen bosatyldy.
Ne sebepti Túrkııada kontrafaktili ishimdikten adamdar kóz jumyp jatyr ?
Paıda kózdegen kontrafaktili ishimdik jasaý úshin arzan, sapasyz spırtti paıdalanady. Kóbinese bul - metıl spırti, ıaǵnı metanol. Ol ónerkásipte qoldanylatyn jáne adam tutynýǵa arnalmaǵan spırt. Osyndaı spırt antıfrız, boıaý eritkishter jáne tazalaý quraldary sııaqty ónimderde kezdesedi.
Mamandardyń aıtýynsha, alkogol naryqtaǵy baǵadan aıtarlyqtaı tómen baǵamen satylsa, onyń kontrafaktili bolý yqtımaldyǵy joǵary.
Osyǵan deıin Túrkııada jalǵan alkogolden zardap shekkender sany 30-ǵa jetkeni týraly jazdyq.