Túrkııada konstıtýtsııalyq referendýmda daýys berý aıaqtaldy
ASTANA. QazAqparat - Túrkııada Konstıtýtsııaǵa ózgerister engizý boıynsha referendýmda daýys berý aıaqtaldy. Ózgerister prezıdenttik basqarý júıesin engizýdi qarastyrady. Osy ýaqyta daýystardy sanaý jumystary júrip jatyr, dep habarlaıdy Trend.
Shyǵys provıntsııalarynda daýys berý jergilikti ýaqyt boıynsha saǵat 07-00-de bastalyp, ózge provııntsııalarda 08-00-de bastaldy jáne saǵat 16-00-de, sáıkesinshe, 17-00-de aıaqtaldy. 55 mıllıonnan astam túrik saılaýshylary Konstıtýtsııaǵa engizilgen ózgerister boıynsha, ne «ıá», ne «joq» dep jaýap berýge múmkindik aldy.
Shetelde 2 mln 929 myń 389 túrik saılaýshylary bar. Olar Túrkııanyń álemniń 57 memleketindegi 119 dıplomatııalyq ókildikterinde daýys bere alady. Shetelde daýys berý sharalary 27 naýryz ben 9 sáýir aralyǵynda ótti.
Túrik Konstıtýtsııasyna engiziletin ózgerister parlamentte 330-dan astam daýys alǵan bolatyn. Bul referendým ótkizý úshin qajetti eń tómengi deńgeı. Túzetýlerge sáıkes, el parlamentindegi depýtattardyń sany 550-den 600-ge deıin ósedi.
Sonymen qatar Túrkııa azamattaryna 18 jastan bastap, ózderiniń kandıdatýralaryn depýtat laýazymyna usynýǵa ruqsat etý máselesi qarastyrylp otyr. Qazirgi tańda jas shekteýi 25-ti quraıdy. Parlament saılaýyn qazirgi 4-ten 5 jylǵa deıin uzartý usynylyp otyr. Túzetýlerge sáıkes, el prezıdenti bolyp, jasy 40-tan kem emes Túrkııa azamaty saılana alady.
Sonymen qatar prezıdent úkimetti basqaryp, mınıstrlerdi taǵaıyndaý quzyretine ıe bolady. Bul rette saılanǵan prezıdentiń partııaǵa múshe bolmaýy mindetti emes. Qoldanystaǵy Konstıýtsııa boıynsha, Túrkııa prezıdenti saılanǵannan keıin qandaı da bir partııanyń quramynda qala almaıdy.
