Túrkııada konstıtýtsııalyq referendým ótetin kún belgilendi
ASTANA. QazAqparat - Túrkııada konstıtýtsııaǵa túzetýler engizý boıynsha referendým ótetin kún belgilendi, ol qazirgi el kóshbasshysy Rejep Taıyp Erdoǵanǵa 2029 jylǵa deıin shekteýsiz bılik beredi. Plebıstsıt 16 sáýirde ótedi, dep habarlady Túrkııa OSK basshysy Sadı Gıývenge siltememen newsru.com.
Parlament maquldaǵan zań jobasyna Erdoǵan qol qoıyp, azamattardy Twitter arqyly qoldaýǵa shaqyrdy. Turkish Minute basylymy budan buryn prezıdent Twitter men basqa da áleýmettik jeliler qoǵamǵa qaýip ákeletinin, jalǵan aqparatty taratatyn taptyrmas tetik ekenin birneshe ret aıtqanyn atap ótedi. Alaıda byltyr jazda ylań áreketinen keıin bılik áleýmettik jelilderdi qolǵa aldy.
Erdoǵan Tvıtterdegi óz akkaýntynda ultty birigýge shaqyryp, 15 myń retvıt jınaǵan eń tanymal tvıtter serııasyn jarııalaǵan. «Birtutas eldi, birtutas týdy, birtutas memleketti qalaımyn», - dep habarlady prezıdent.
Ótken jyldary qoǵamdyq narazylyqtar aıasynda Erdoǵan Twitter-di joıýǵa shaqyrǵan, al 2014 jyly naýryzda el turǵyndary úshin áleýmettik jelige qoljetimdilikti shekteýge qol jetkizdi. Qazir onyń akkaýntyna jazylýshylar sany 10 mln-ǵa jaqyndady.
