Túrkııada konstıtýtsııalyq referendým bastaldy
ASTANA. QazAqparat - Túrkııanyń 32 shyǵys provıntsııasynda, ortalyqtaǵy jáne batystaǵy 49 provıntsııada Prezıdenttik basqarý júıesine aýysýdy kózdeıtin konstıtýtsııalyq ózgerister paketi boıynsha referendýmda daýys berý úshin saılaý ýchaskeleri ashyldy. Daýys berý 08.00-de bastalyp, 17.00-ge deıin sozylady, dep jazady Rıa Novostı agenttigi.
Referendýmda 167140 saılaý ýchaskesinde 55,3 mıllıon túrik azamaty daýys beredi. Budan basqa, túrmelerde 461 saılaý ýchaskesi quryldy. Shetelde turatyn Túrik azamattary merziminen buryn daýys berip qoıǵan.
Prezıdenttik júıege kóshý boıynsha konstıtýtsııalyq ózgeristerdi budan buryn Túrkııa parlamenti maquldap, Rejep Taıyp Erdoǵan qol qoıǵan. Ádildik jáne damý basqarýshy partııasynan saılanǵan parlament depýtattary, Ulttyq qozǵalys partııasynan saılanǵan depýtattardyń basym bóligi jobany qoldady. Sonymen qatar oppozıtsııalyq partııa retinde - sol ortalyqshyl halyqtyq-respýblıkalyq partııa jáne kúrdterdiń halyqtyq-demokratııalyq partııasy Erdoǵandy jeke bılik ornatýǵa tyrysqany úshin aıyptady.
