Túrkııada Konstıtýtsııa týraly referendým óz máresine jetti
YSTAMBUL. Qyrkúıektiń 13-i. QazAqparat /Irına Dynnıkova/ - Keshe Túrkııada Ata Zańǵa keıbir ózgertýler eńgizý halyq daýysyna salynyp, «ıá» degender 58, 3 paıyzǵa jetse, «joq» degender sany 41,7 paıyzdy qurady.
Atalǵan referendýmǵa jalpy daýys berý quqy bar 50 mıllıondaı adam qatysty.
1982 jyly áskerı tóńkeristen keıin qabyldanǵan Túrkııa konstıtýtsııasyna ózgerister eńgizýdi Parlament maquldap, Premer- mınıstr Rejep Taıyp Erdoǵan basqarǵan «Ádilet jáne damý» partııasy halyq tańdaýyna usynǵan bolatyn.
Túrkııa Úkimeti Ata Zańǵa 26 ózgeris eńgizip, áskerı jáne sot júıesin demokratııalandyryp, sondaı-aq adam quqyqtar men bostandyqtaryn keńeıtip, zańnamany Eýroodaq standarttaryna jaqyndastyrýdy kózdep otyr.
