Túrkııada qıraǵan ǵımarattar qurylysyna qatysy bar 564 adam ustaldy

ANKARA. QazAqparat – Túrkııada jel silkinisinen qıraǵan turǵyn úıler qurylysyna qatysty qylmystyq is boıynsha 160 adam ustaldy, dep habarlaıdy QazAqparat Anadolyǵa silteme jasap.

Joıqyn jer silkinisi bolǵan provıntsııalardyń prokýratýralary qıraǵan nysandardyń qurylysyna qatysy bar degen kúdikpen 6 aqpannan beri 564 adamdy ustady. Keıinnen ustalǵandardyń 160-y qamaýǵa alyndy, 175 kúdiktige qatysty sot baqylaýy taǵaıyndaldy.
Sonymen qatar, 71 kúdiktini tutqyndaýǵa jáne 61 adamdy ustaýǵa order berildi.

Budan bólek, prokýratýra apat aımaǵyndaǵy urlyq faktileri boıynsha tergeý júrgizip jatyr.
Eske salaıyq, 6 aqpanda Kahramanmarashta magnıtýdasy 7 baldan asatyn eki jer silkinisi boldy. Jerasty dúmpýleri eldiń 10 provıntsııasynda, sondaı-aq kórshiles memleketterde, sonyń ishinde Sırııada da sezildi.Sońǵy málimet boıynsha, tabıǵı apat saldarynan túrik elinde qaza bolǵandar sany 42,3 myńnan asty.
Foto: aa.com.tr