Túrkııada kezekten tys parlament saılaýy ótip jatyr
ASTANA. QazAqparat - Jeksenbi kúni Túrkııada 26-shy shaqyrylymdaǵy medjlıstiń quramy anyqtalatyn kezekten tys parlamenttik saılaýda daýys berý bastaldy. Respýblıkanyń Ortalyq saılaý komıtetiniń (OSK) málimetterinshe, barlyǵy daýys berý quqyǵyna ıe bolǵan 56 mln. astam el azamaty tirkeldi, dep habarlaıdy TASS.
Saılaý ýchaskeleri saǵat 08:00-de ashyldy, olar saǵat 17:00-ge deıin ashyq bolady. Eger saılaý aıaqtalarda adamdar kezekte tursa, jergilikti saılaý komıtetteriniń basshylary daýys berýshilerdi óz qaraýymen qabyldaı alady. Túrkııada ekzıtpoldarǵa tyıym salyndy, sondyqtan qoǵam men baspasóz ókilderine aldyn ala málimetterdiń jarııalanýyn OSK-ynan kútýge týra keledi: olar bıýlletender qaralyp bitken soń jarııalanady.
El ishindegi zań boıynsha, erekshe jaǵdaılardy esepke almaǵanda, azamattar tek turǵylyqty jeri boıynsha daýys bere alady. Túske qaraı óz daýystaryn Túrkııanyń birinshi tulǵalary, saıası partııalardyń kóshbasshylary berdi. El prezıdenti Taıyp Erdoǵan Ystambulda, premer-mınıstr jáne halyqtyq-respýblıkalyq partııasynyń kóshbasshysy Ahmet Davýtoglý - Konıa qalasynda daýys berdi.
