Túrkııada kelisilgen fýtbol matchtaryna qatysty janjal týyp, 24 adam tutqyndaldy

ASTANA. KAZINFORM - Túrkııada zańsyz aqsha tigý men fýtboldan kelisilgen matchtar uıymdastyrý boıynsha týyndaǵan janjal órship barady.

Túrkııalyq BAQ ókilderiniń habarlaýynsha, sottar 29 adamdy tutqyndaýǵa order bergen. Olardyń arasynda "Galatasaraı" fýtbol klýbynyń burynǵy prezıdenti Erden Tımýr da bar, dep habarlaıdy BILD.

Kúsh-qýat qurylymdary sondaı-aq 11 provıntsııada operatsııa uıymdastyrdy. onyń barysynda 24 kúdikti ustalyp, ózgeleri izdestirilip jatyr. 

Túrkııanyń Bas prokýratýrasynyń málimetinshe, Tımýrdyń banktik shottaryn tekserý barysynda kúdikti qarjylyq operatsııalar anyqtalǵan. Tergeý isine tartylǵan tulǵalarǵa aqsha jylystatý, match nátıjelerin manıpýlıatsııalaý jáne zańsyz bás tigýdi uıymdastyrý aıyptary taǵylyp otyr. Іs boıynsha kúdikke ilingen fýtbolshylardyń bir bóligi oıyn nátıjelerine ózderi bás tikken degen kúdikke ilingen. Aıyptalýshylardyń biri basqa bir is boıynsha qazirdiń ózinde qamaýda otyr.

Buǵan deıin Túrkııa fýtbol federatsııasy 152 tóreshiniń bás tigýge qatysy bolýy múmkin ekenin habarlaǵan. Tergeý aıaqtalǵanǵa deıin 149 tóreshi men myńnan astam oıynshy ýaqytsha shettetildi. Tek Sýperlıganyń ózinde shekteý 27 fýtbolshyǵa qatysty qoldanylǵan, olardyń qatarynda «Galatasaraı», «Fenerbahche», «Beshıktash» jáne «Trabzonspor» sekildi alpaýyt klýbtardyń ókilderi bar.

Sońǵy málimetterge sáıkes, iske qatysy bar tóreshilerdiń sany 570 adamnan da asýy múmkin.

Osyǵan deıin Túrkııada bás tigý isi boıynsha 281 fýtbolshy shettetilgeni týraly habarlandy.