Túrkııada Qazaqstannyń 50 jaýyngeri bilim alyp jatyr
Bul týraly QR Parlamenti Májilisiniń jalpy otyrysynda QR Qorǵanys mınıstriniń orynbasary Talǵat Muhtarov málim etti, dep habarlaıdy QazAqparat.
«Eki eldiń qorǵanys salalarynda bilim berý maqsatynda tyǵyz qatynastar ornaǵan. Biz kýrsanttar men ofıtserlerdi Túrkııadaǵy áskerı oqý oryndaryna baǵyttaýdamyz. Qazirgi kezde osy eldiń áskerı akademııalarynda qurlyq, áýe qorǵanysy men áskerı-teńiz kúshteri baǵyty boıynsha 50-ge jýyq kýrsanttarymyz ben ofıtserlerimiz bilim alyp jatyr», - dedi mınıstrdiń orynbasary.
Sonymen qatar ol Túrkııamen arada áskerı-tehnıkalyq salada yntymaqtastyq belsendi júrip jatqanyn, jyl saıyn «Altyn úki» mergender jarysy, «Qabylan joly» jattyǵýy uıymdastyrylatynyn atap ótti.
Jalpy otyrys barysynda palata depýtattary «Qazaqstan Respýblıkasynyń Úkimeti men Túrkııa Respýblıkasynyń Úkimeti arysyndaǵy arnaıy maqsattaǵy bólimshelerdiń oqý-jattyǵýlaryn ótkizý kezinde qabyldaýshy taraptyń qoldaý kórsetýi týraly ózara túsinistik memorandýmyn ratıfıkatsııalaý týraly» zań jobasy maquldandy.
«Momorandýmǵa ótken jyly 20 qańtarda qol qoıyldy. Qujattyń maqsaty taraptardyń mindettemeleri men jaýapkershiligin belgileý bolyp tabylady. Sonymen qatar oqý-jattyǵý ótkizý kezinde qabyldaýshy taraptyń qoldaý kórsetýiniń negizgi qaǵıdattaryn aıqyndaıdy»,-dedi QR Qorǵanys mınıstriniń orynbasary Talǵat Muhtarov zań jobasyn tanystyrý barysynda.
