Túrkııada «Qazaqstanǵa saıahat» atty konkýrs jarııalandy

ASTANA. QazAqparat - QR-dyń Túrkııadaǵy Elshiligi «Qazaqstanǵa saıahat» konkýrsyn jarııalady, dep habarlaıdy Qazaqparat.

«Astana EKSPO-2017 Halyqaralyq Kórmesin, Astana qalasyn, Qazaqstannyń mədenı-ekonomıkalyq, týrıstik tartymdylyǵyn tanytatyn sýret, vıdeo, qysqasha jazbany #AstanaEXPOTR heshtegimen áleýmettik jelilerde bólis, Qazaqstanǵa 2 kisilik Rixos qonaq úılerinde (Rixos President Astana, Rixos Borovoe, Rixos Almaty) 7 tún qoný jáne Eır-Astana kompanııasynan tegin bıletter utyp al», - dep jazylǵan Qazaqstan Respýblıkasynyń Túrkııadaǵy Elshiliginiń Feısbýktegi paraqshasynda.

Málimet boıynsha, konkýrs 1 shilde men 30 tamyz aralyǵynda ótedi. Konkýrs nátıjelerin arnaıy komıssııa anyqtaıdy.