Túrkııada qazaqstandyqtar referendýmǵa qatysyp jatyr

ASTANA. KAZINFORM — Túrkııanyń Ankara, Ystanbul, Antalııa jáne Izmır qalalaryndaǵy tórt saılaý ýchaskesinde Qazaqstannyń jańa Konstıtýtsııasyna daýys berý júrip jatyr, dep habarlaıdy Kazinform agenttiginiń Ankaradaǵy menshikti tilshisi. 

Dıplomatııalyq ókildikterde tańerteńnen beri jumys istep jatqan № 450, 419, 460 jáne 512 saılaý ýchaskeleri jergilikti ýaqyt boıynsha keshki saǵat 20.00-ge deıin jumys isteıdi.

Saılaý ýchaskelerinde saılaýshylardyń belsendiligi joǵary. Túrkııadaǵy qazaqstandyqtardyń basym bóligi túrik ýnıversıtetterinde bilim alyp jatqan stýdentter, dıplomatııalyq ókildikter men halyqaralyq uıymdardyń ókilderi, týrıster. Sondaı-aq referendýmǵa qatysqandar arasynda azamattyq ustanymyn alǵash bildirip otyrǵandar bar.

Aıta keteıik, Qazaqstan men Túrkııa arasynda ýaqyt aıyrmashylyǵy eki saǵat bolǵandyqtan, sońǵy qorytyndy Astana ýaqytymen 22:00–de belgili bolady.

Aıta ketelik álemniń 40-tan astam elinde referendým ýchaskeleri jumys istep jatyr.