Túrkııada Qazaqstan jastar quramasy qatarynan eki oıynda jeńiske jetti
ASTANA. QazAqparat - Talǵat Baısýfınov shákirtteri 2019 jylǵy Eýropa chempıonatynyń irikteý kezeńine daıyndalyp jatyr, dep habarlaıdy «SPORTINFORM» SAA.
Túrkııada ótip jatqan oqý-jattyǵý jıynynda aǵa jattyqtyrýshy Talǵat Baısýfınov jattyqtyratyn 21 jasqa deıingi Qazaqstan jastar quramasy ekinshi oıyn qatarynan jeńiske jetti. Ekinshi joldastyq kezdesýde bizdiń fýtbolshylar Grýzııanyń «Dınamo Tbılısı» komandasynyń ekinshi quramymen oınap, 1:0 esebimen basym tústi. Oıyn taǵdyry matchtyń sońǵy mınýtynda sheshildi.
Qazaqstan quramasyna jeńis syılaǵan qorǵaýshy Saǵadat Tursynbaı. Ol jartylaı qorǵaýshy Rınat Jumatovtyń aıyp soqqysynan shyǵarǵan pasyn qaqpaǵa baǵyttady.
Qazaqstan jastar quramasy oıyndy eki túrli qurammen ótkizdi.
Qazaqstan U-21 - «Dınamo Tbılısı - 2» 1:0
Gol: Tursynbaı 89
Birinshi taımda alańǵa shyqqan fýtbolshylar: Trofımets, Qybyraı (Sarbaı), Batyrhanov, Orynbasar, Galbaev, Jahaev, Slambekov (Ábdenábı), Jagorov, Nadjarıan, Seıithanov, Ómirtaev.
Ekinshi taımda alańǵa shyqqan fýtbolshylar: Zakırov, Álimbaev, Ábilǵazy, Májıtov, Tursynbaı, Qalmuratov, Shámshi, Antıpov, Jumatov, Fedın, Sársenov.
