Túrkııada Qazaqstan azamatshasy men onyń eki jasar sábıi kóz jumdy

ALANIıA. QazAqparat – Túrkııanyń Alanııa qalasynda safarı-kólik pen jeńil avtomobıldiń soqtyǵysýynan aldyn ala málimet boıynsha, 3 adam qaza boldy, olardyń ekeýi – qazaqstandyqtar, dep habarlaıdy QazAqparat.

TRT Haber-diń jazýynsha, apat saldarynan safarı kóliginde bolǵan Qazaqstan azamatshasy oqıǵa ornynda kóz jumdy. Reseılik týrıst pen 2 jasar qazaqstandyq sábı aýrýhanada qaıtys boldy.

Eki kólikte bolǵan 20-ǵa jýyq adam zardap shekken. Olardyń arasynda Qazaqstan, Túrkııa, Izraıl jáne Reseı azamattary bar.

Foto: İHA

Atyraý oblysy ákiminiń orynbasary Jasulan Bısembıevtiń jazýynsha, Túrkııada Araılym Baǵytjan men onyń sábıi mert boldy. Kúıeýi aýrýhanada jatyr.

«Antalııadan sýyq habar kelip jatyr. Belgili jýrnalıst, «Zeıin Atyraý» erekshe balalardy ońaltý ortalyǵynyń negizin qalaǵan Araılym Baǵytjan Antalıada iri jol apatyna túsip, ómirden ótti. Áriptesimizben birge kishkentaı sábıi de o dúnıelik boldy. Joldasy qıyn jaǵdaıda aýrýhanada jatyr.

Qazirgi ýaqytta Túrkııadaǵy Qazaqstan elshiligimen kelisimder júrgizilip, aýrýhanada jatqan baýyrymyzdyń tıisti em alýyna jaǵdaı jasalýda.

Foto: İHA

Jerlesterimizdiń súıegin elge aldyrý boıynsha jumys júrgizilip jatyr.

Marqumnyń otbasyna qaıǵyryp kóńil aıtamyn», - dedi J.Bısembıev.