Túrkııada Qazaqstan áıelder quramasynan birde-bir sportshy shırek fınalǵa shyǵa almady

ASTANA. KAZINFORM – Túrkııanyń Stambul qalasynda kúres túrlerinen Parıj Olımpıadasynyń sońǵy joldamalary sarapqa salynyp jatyr. Lıtsenzııalyq týrnırde Qazaqstan áıelder quramasynyń sportshylary shırek fınalǵa jetpeı jeńilip qaldy. 

53 kelidegi Marına Sedneva ekinshi aınalymda polshalyq qarsylasyna 0:9 esebimen jol berse, 57 kelidegi Laýra Almaǵanbetova 1/8 aınalymda túrkııalyq Elvıra Kamaloǵlyǵa 2:4 esebimen jol berdi.

Al, 62 kelidegi Irına Kýznetsova meksıkalyq qarsylasynan 8:13 esebimen jeńilis tapsa, ulttyq quramanyń úzdik balýandarynyń biri sanalatyn 68 kelidegi Elena Shalygına rýmynııalyq sportshydan 1:9 esebimen ese jiberdi. 

Sondaı-aq 76 kelidegi Rıo Olımpıadasynyń qola júldegeri Elmıra Syzdyqova da birinshi aınalymda estonııalyq balýannan 1:2 esebimen jeńildi.  

Esterińizge sala keteıik, búgingi ýaqytta kúres túrlerinen Olımpıada oıyndaryna 7 joldama bar. Onyń 4-eýin grek-rım kúresiniń ókilderi ıelense, 3-eýi – erkin kúres sheberleriniń enshisinde. 

Ókinishke qaraı balýan qyzdarymyz áli birde-bir joldamaǵa qol jetkize alǵan joq. 

Áıelder kúresinnen saıystar erteń, ıaǵnı, 11 mamyr kúni máresine jetedi.