Túrkııada qazaq tarıhy men mádenıetin tanytatyn mýzeı ashamyz - Dınchtúrk Shaban Serkan

ASTANA. QazAqparat -  Túrkııada qazaq tarıhy men mádenıetin tanytatyn mýzeı ashamyz. Bul týraly búgin  QR Prezıdenti Nursultan Nazarbaevtyń tóraǵalyǵymen ótken Dúnıejúzi qazaqtarynyń V quryltaıynda Qazaq-Túrik bilim, ǵylym jáne zertteý qaýymdastyǵynyń tóraǵasy, «Qazaq eli» jýrnalynyń bas redaktory Dınchtúrk Shaban Serkan aıtty, dep habarlaıdy QazAqparat.

«Qazaq-túrik bilim, ǵylym jáne zertteý qaýymdastyǵy qazaq tarıhy men mádenıetin Túrkııada turatyn 80 mıllıonnan astam halyqqa tanytý úshin ártúrli kishigirim jáne halyqaralyq konferentsııalar ótkizemiz. Túrik jáne qazaq tilinde «Qazaq eli» atty jýrnaldy shyǵarýdamyz. Jýrnaldyń sońǵy sanynda Sizdiń «Bolashaqqa baǵdar: rýhanı jańǵyrtý» atty maqalańyzdy túrik tilinde basyp shyǵardyq», - dedi ol Qazaqstan Prezıdentine qarata.

Sonymen qatar Dınchtúrk Shaban Serkan qazaq halqynyń aty ańyzǵa aınalǵan uly tulǵalary týraly kitaptardy da túrik tilinde basyp shyǵaryp jatqandyqtaryn aıryqsha atap ótti.

«Túrkııadaǵy 80 mıllıonnan astam túrik halqyna qazaq tarıhy men mádenıetin tanytý úshin qazaq mýzeıin ashý isine kiristik. Qudaı qalasa, bir jyldyń ishinde bitiremiz dep josparlap otyrmyz»,-  dedi Qazaq-Túrik bilim, ǵylym jáne zertteý qaýymdastyǵynyń tóraǵasy.