Túrkııada qazaq dıasporasynyń ókilderimen bıznes-forým ótedi
NUR-SULTAN. QazAqparat – «Otandastar Qory» 2019 jyldyń 31 shildesi kúni Túrkııanyń Ystanbul qalasynda qazaq dıasporasy ókilderimen bıznes-forým ótkizýdi josparlap otyr, dep habarlaıdy QazAqparat.
Forým aıasynda «Qazaq mádenı-iskerlik úıiniń» qory men jobasynyń tanystyrylymyn ótkizý kózdelgen. Budan bólek, startaptardy, otandastardyń bıznes jobalary men bastamalaryn qoldaý tetikterin talqylaý josparlanǵan. Sonyń ishinde otandastardyń bıznes jobalary men bastamalaryn Qazaqstanda da ilgeriletýdiń naqty tetikteri, sondaı-aq olardy halyqaralyq naryqtarǵa shyǵarýǵa kómek kórsetý jaıynda da áńgime órbimek.
Іs-sharaǵa «Otandastar qory» KEAQ Birinshi vıtse-prezıdenti Talǵat Adýov, «El Tiregi» qazaqstandyq shaǵyn jáne orta bıznes qaýymdastyǵy» Zańdy tulǵalar birlestiginiń Basqarma tóraǵasy Asqar Ábýbákirov, «Business & Travel Central Asia» atqarýshy dırektory Dinmuhammed Zııatbekov qatysatyn bolady.
