Túrkııada qazaq aqyny Rafael Nııazbekke halyqaralyq syılyq tabys etildi

ALMATY. QazAqparat - Túrkııada Tokat provıntsııasyna qarasty tarıxı Nıksar mýnıtsıpalıtetinde Qazaqstannyń eńbek sińirgen qaıratkeri, aqyn Rafael Nııazbekke Túrki álemi jazýshylar jáne ónerpazdar qorynyń (TÜRKSAV) «Túrki álemine qyzmeti úshin» halyqaralyq syılyǵy saltanatty túrde tapsyryldy, dep habarlaıdy QazAqparat tilshisi Qazaqstannyń Túrkııadaǵy Elshiligine silteme jasaı otyryp.

Elshiliktiń habarlaýynsha, marapattaý rásimi aıasynda túrik tiline aýdarylǵan «Biz osyndaı elmiz» atty jyr jınaǵynyń tusaýkeser rásimi ótti.

Túrki álemi jazýshylar jáne ónerpazdar qorynyń prezıdenti ıAhııa Akengın jınalǵandar aldynda qalamgerdi tanystyra kele, «Túrkitildes elder ádebıetiniń iri ókili, kórnekti aqyn Rafael Nııazbek - qazirgi qazaq poezııasyndaǵy aıtýly esimderdiń biri. Týystas túrki jurtynyń mańdaıyna bitken aqyn Maǵjan Jumabaev poezııasynyń, shyǵarmashylyq ómir jolynyń jalǵasy. Aqynnyń óleńderinde túrki halyqtarynyń ortaq ıdeıasy saqtalǵan. Bizder - túrkitildes memleketter uzaq jáne tamyrlas ortaq tarıhymyzda ártúrli aımaqtarǵa bólinip, túrli saıası ózgeristerdiń jeteginde júrdik. Biraq soǵan qaramastan túbimizdiń bir, tilimizdiń bir, dilimizdiń bir ekendigin esh ýaqytta umytqan emespiz», - dep atap ótti.

Qazaqstannyń Túrkııadaǵy Elshiliginiń qoldaýymen, Túrki álemi jazýshylar jáne ónerpazdar qorynyń demeýshiligimen jaryq kórgen «Biz osyndaı elmiz» jyr jınaǵynyń tusaýyn Tokat provıntsııasy Nıksar mýnıtsıpalıtetiniń gýbernatory Selamı Kapankaıa, Nıksar mýnıtsıpalıtetiniń meri Ózdılek Ózjan, Túrki álemi jazýshylar jáne ónerpazdar qorynyń prezıdenti ıAhııa Akengın kesti. Óleńderdi túrik tiline aýdarǵan jazýshy-dıplomat Málik Otarbaev. Kitaptyń alǵysózin Qazaqstannyń Túrkııadaǵy Elshisi Abzal Saparbekuly jáne Eýrazııa Jazýshylar qaýymdastyǵynyń tóraǵasy ıAkýp Omaroǵly jazǵan.

Rafael Nııazbek óz kezeginde Senat tóraǵasy Qasymjomart Toqaevtyń osy sharaǵa arnaıy jibergen quttyqtaýyn jetkize otyryp, «Atatúrik elinde» óleńin oqydy. Sondaı-aq osyǵan deıin Sheshenstan Memlekettik syılyǵy tapsyrylǵanyn aıta kele, «Túrki áleminen alǵan marapat erekshe ystyq ári bárinen qymbat. Qazaq ádebıeti úshin úlken mártebe»,- dep rızashylyǵyn bildirdi.

Esterińizge sala ketsek, 1996 jyly qurylǵan Túrki álemi jazýshylar jáne ónerpazdar qorynyń (TÜRKSAV) «Túrki álemine qyzmeti úshin» halyqaralyq syılyǵy Rafael Nııazbekpen qatar, ázerbaıjandyq jazýshy Sona Valıeva, nemis mádenıet qaıratkeri Musa Serdar Chelebı, nıderlandyq mádenıet qaıratkeri Mexmet Tútinjú, túrik tarıxshysy Axmet Tashaǵyl, Refık Turan, ádebıettanýshy Ramazan Korkmaz, jýrnalıst Turan Shaxınbash, «TRT» mýzykalyq telearnasy, «Aıla» tarıhı fılmine de berildi.


Foto: alashainasy.kz