Túrkııada qatty sý tasqyny saldarynan bir adam joǵaldy
ASTANA. KAZINFORM — Túrkııanyń Trabzon qalasynda tolassyz jaýǵan nóserden keıin jappaı sý tasqyny boldy, dep habarlaıdy Kazinform menshikti tilshisi.
Tolassyz jaýǵan jańbyr saldarynan qaladaǵy kósheler, úıler, kásiporyndar men aýrýhanalar sý astynda qaldy.
Sońǵy málimet boıynsha, Akchaabat aýdanynda 72 jastaǵy turǵyndy izdestirý jumystary júrip jatyr. Shamalanǵandaı, ony sý aǵyny alyp ketti.
Eń kóp zardap shekken Beshırlı aımaǵy boldy, onda jaǵalaýdaǵy eski jol tolyǵymen sý astynda qalǵan. 50-ge jýyq kólikti sý basyp, ondaǵan dúken men keńse búlingen. Bılik kóshkin men topyraqtyń opyrylý qaýpi áli de bar ekenin eskertti.
#Trabzon’da etkili olan yoğun yağışlar sonucu meydana gelen sel felaketi nedeniyle mağduriyet yaşayanlara geçmiş olsun diliyorum.#yağmur #sel pic.twitter.com/SHlWos93oo
— İskender BERBER 🇹🇷 (@Berberiskndr) June 3, 2025
Trabzonnan basqa Túrkııanyń kórshiles Gıresýn, Ordý jáne Rıze provıntsııalarynda qatty jańbyr men yqtımal tabıǵı apattar («sary kod») týraly eskertý jarııalandy.
Bu hafta, Konya, Malatya ve trabzon’da yaşanan sel felaketi. pic.twitter.com/6sxcAaZrny
— Nasuh Bektaş (@nasuhbektas) June 3, 2025
Trabzon gýbernatory Azız Iyldyrym keıbir aımaqta birneshe saǵatta 60 mm-den astam jaýyn jaýǵanyn habarlady. Bul sý deńgeıiniń kúrt kóterilýine sebep boldy. Sondaı-aq oqý oryndary men medıtsınalyq mekemelerdi jarym-jartylaı sý basty.
Keltirilgen shyǵyndy anyqtaý jumystary bastaldy, salyq jáne aýyl sharýashylyǵy organdarynyń ókilderi jumyldyryldy.
Trabzon'da sel felaketi: Kayıplar var...
— Odatv (@odatv) June 3, 2025
Bir market dakikalar içerisinde sular altında kaldı.pic.twitter.com/qq9q0p01rd
Qyzmetter jumysyn táýlik boıy jalǵastyryp jatyr. Sınoptıkter jaýyn-shashynnyń kóp bolatynyn áli boljap otyrǵan joq, biraq bılik ásirese ózen arnalary men jyralarǵa jaqyn jerde turatyn adamdardan qyraǵy bolýyn suraıdy.
Buǵan deıin Túrkııada 5,8 magnıtýdalyq jer silkinisi boldy. Túrkııa Іshki ister mınıstrligi Tótenshe jaǵdaılar agenttigi (AFAD) jer silkinisi kezinde úreılenip qashqan 14 jastaǵy qyzdyń qaza bolǵanyn habarlady.