Túrkııada qarýly shabýyldardan segiz adam qaza tapty
ASTANA. KAZINFORM – Túrkııanyń Eskıshehır provıntsııasynda segiz adamnyń ómirin qıǵan jáne taǵy bir adamdy aýyr jaralaǵan birneshe qarýly shabýylǵa kúdikti er adam ustaldy, dep habarlaıdy TRT Haber telearnasy.
Quqyq qorǵaý organdarynyń málimetinshe, shabýyldar Afonkarahısar provıntsııasynyń birneshe eldi mekeninde bolǵan. Aıazını jáne Kyıyr aýyldarynda úsh adamnan atyp óltirilgen. Al ıÝkarytandyr aýylynda oq jaraqatyn alǵan eki áıel keıin aýrýhanada kóz jumdy. Qaza tapqandardyń arasynda jergilikti mekteptiń eki muǵalimi bar.
Shabýyldan keıin kúdikti kórshiles Eskıshehır provıntsııasyna qashyp ketken. Sol jerde qarýmen qorqytyp, eki jas jigittiń kóligin tartyp alǵan. Keıin kólik aýyldyq jerde laıǵa batyp qalǵan kúıinde tabyldy. Onyń ishinen myltyq pen oq-dáriler anyqtaldy.
Polıtsııa men jandarmerııanyń birlesken operatsııasy barysynda kúdikti ustaldy. Medıtsınalyq tekserýden keıin ol Afonkarahısar quqyq qorǵaý organdaryna tapsyryldy.
Oqıǵa boıynsha tergeý bastalyp, oǵan bas prokýrordyń orynbasary men úsh prokýror tartyldy.
Sot tergeýdiń qaýipsizdigin qamtamasyz etý jáne jalǵan aqparattyń taralýyna jol bermeý maqsatynda isti buqaralyq aqparat quraldarynda jarııalaýǵa shekteý qoıdy.
Aıta keteıik, ótken aıda Nıgerııada qarýly shabýyldan 58 adam kóz jumdy.
