Túrkııada, Qara teńiz jaǵalaýynda reseılik keme sýǵa batty

BARTYN. Anadoly-QazAqparat – Túrkııanyń Qara teńiz jaǵalaýynda reseılik qurǵaq júk tasıtyn ARVİN kemesi sýǵa batyp ketti. Bul jaıynda búgin Túrkııanyń Bartyn ólkesiniń gýbernatory Sınan Gıýner málim etti, dep habarlaıdy QazAqparat Anadoly agenttigine silteme jasap.

Reseı týy tigilgen qurǵaq júk tasıtyn keme Bartyn batys-qara teńiz ólkesiniń Inkýmý aýdany jaǵalaýynda sýǵa batqan. Іzdeý-qutqarý jumystary barysynda keme komandasynyń úsh múshesi qutqaryldy. Qutqarý operatsııasy 3 shlıýpkada bolǵan ekıpajdyń shamamen 15 múshesin aman alyp qalý úshin júrgizilip jatyr.

Apat bolǵan aýmaqqa jaǵalaý kúzeti men Túrkııa Úkimeti janyndaǵy Tótenshe jaǵdaılardyń aldyn alý jáne onyń saldaryn joıý basqarmasynyń katerleri jiberildi.

Aýa raıynyń qolaısyzdyǵy izdeý-qutqarý operatsııasyna qıyndyq týdyrýda.