Túrkııada qalyp qoıǵan «Gúlnár týrdyń» klıentterine otandyq ushaqtar jiberiletin boldy
ASTANA. QazAqparat - QR vıtse-premeri Áset Isekeshevtiń tóraǵalyǵymen ótken keńes barysynda tórtinshi táýlik boıy Túrkııadan usha almaı otyrǵan qazaqstandyq týrısterge otandyq áýe kompanııalarynyń ushaqtaryn jiberý sheshimi qabyldandy, dep habarlaıdy Kólik jáne kommýnıkatsııa mınıstrliginiń baspasóz qyzmeti.
Keshe keńes barysynda 2 shildege deıin úsh kún boıy túrkııalyq áýejaı termınaldarynda bolǵan 300 qazaqstandyqty elge qaıtarý úshin qazaqstandyq áýe kompanııalarynyń turaqty reıster kestesin qaıta qaraýǵa sheshim qabyldandy. Kólik jáne kommýnıkatsııa mınıstrliginiń usynysy boıynsha qazaqstandyq áýe kompanııalarynyń basshylary Túrkııaǵa ushaqtar jiberetin boldy. Sóıtip, Qazaqstannyń azamattary jaqyn arada úılerine oralady. Eske salatyn bolsaq, osy aptada «Gúlnár týr» týroperatorynyń júzden astam klıentteri Túrkııa men Qazaqstan áýejaılarynan usha almaı qalǵan. Azamattyq avıatsııa komıtetiniń málimeti boıynsha, «Gúlnár týr» baǵyttaryna qyzmet etýshi Jet Airlines áýe kompanııasy ushaǵyn paıdalanýǵa ruqsaty tek 30 maýsymǵa deıin ǵana bolǵan. Biraq soǵan qaramastan týroperator shilde aıynyń reısterine de bılet satýdy jalǵastyryp kelgen.
