Túrkııada qalǵan səbı: Ata-anasy balany elge jetkizý úshin aqsha jınap jatyr

ALMATY.QazAqparat - Túrkııada demalyp júrgende mezgilinen buryn bosanǵan Darıa Vasıleva səbıin qaıtarý úshin aqsha jınap jatyr. Dəlirek aıtsaq, əleýmettik jeli arqyly jurttan kómek suraýǵa kóshti, dep habarlaıdy QazAqparat tilshisi

«Esepshot ashyp, Instagram jelisinde habarlama jarııaladyq. Munymen meniń dostarym aınalysýda. Shyny kerek, ázirge eshteńe shyǵatyn túri joq. Biz qyzymyzdy Qazaqstanǵa əkelýge nıettimiz», - dedi Darıa Vasıleva.

Darıa Vasıleva Túrkııada merziminen buryn bosanyp qalǵan. Ol salmaǵy 750 gramm bolyp týǵan qyzyn aqyly klınıkanyń qyzmetin tóleıtin aqshasy bolmaǵandyqtan sonda qaldyryp ketken. Nárestesin tastap elge oralǵan ata-ana ushaq reısiniń taıap, aqshasyz qalǵanyn aıtyp aqtalady. 25 shilde kúni olardyń qaryzy 15 myń AQSh dollaryna jetken. 

Qazaqstandyq SІM aıtýynsha, qazir nəreste klınıkada jatyr. Arnaıy kútimdi qajet etedi.

«Balany Qazaqstanǵa qaıtarýǵa múmkindik bar. Biraq aldymen ata-anasy qaryzyn qaıtarý kerek. Səbıdiń otbasyna onyń qujattaryn daıyndaýǵa kómektesemiz. Túrkııadaǵy klınıka basshylyǵymen kelissóz kezinde konsýlymyz barady», - dep málim QR SІM baspasóz qyzmeti.