Túrkııada Islam memleketimen baılanysy bar degen kúdikpen 65 adam ustaldy

ASTANA. KAZINFORM – Túrkııanyń ishki ister mınıstri Alı Ierlıkaıa juma kúni, 23 tamyzda eldiń 17 provıntsııasyn qamtıtyn kezekti antıterrorlyq operatsııanyń aıaqtalǵanyn málimdedi.

Mınıstr GÜRZ-9 kodtyq atymen atalǵan operatsııanyń bes kúnge sozylǵanyn, quqyq qorǵaý organdarynyń barlyq áreketterin Ankaradaǵy Ortalyq qaýipsizdik basqarmasy úılestiretinin aıtty. Kúdiktiler ustalǵan provıntsııalar arasynda Ystanbul, Ankara, Malatııa jáne Sıvas boldy.

«Jalpy DAISh (Qazaqstanda tyıym salynǵan - red.) lańkestik uıymyna qatysy bar degen kúdikpen 65 adamǵa qatysty aldyn alý sharalary týraly sheshim qabyldanady», - dedi Ierlıkaıa.

Túrkııa Іshki ister mınıstrliginiń basshysy lańkestik árekettermen odan ári kúresýge tabandy túrde kirisetinin atap ótti.

Buǵan deıin Túrkııada lańkestik uıymǵa qatysy bar degen 24 kúdikti ustalǵan bolatyn.