Túrkııada ishimdikke qarsy naýqan bastaldy
ASTANA. 15 naýryz. QazAqparat - Baýyrlas eldegi Jasyl jarty aı qoǵamy ishimdik saıasatynyń ulttyq platformasyn qurdy. Bul jaıynda haber7.com habar taratty.
Atalmysh qoǵam ishimdikti tutynýǵa qatysty monıtorıng júrgizip, araq-sharapqa qarsy nasıhat jumystaryn bastady, ári maskúnemdiktiń aldyn-alý joldaryn izdestirdi. Bul jaıynda ÝMMA aqparat agenttigi habar taratty. Jasyl jarty aı qoǵamynyń tóraǵasy Ihsan Qaramannyń aıtýynsha, jol-kólik jáne áıelderge zorlyq-zombylyq kórsetý oqıǵalarynyń, ózge de qylmys túrleri ishimdiktiń áserimen jasalatynyn alǵa tartyp otyr. Sol sebepti, osyndaı sharany qolǵa alyp otyrǵanyn jetkizdi.
muslim.kz saıtynyń jazýynsha, Іshimdik saıasatynyń platformasy memlekettik jáne qoǵamdyq uıymdardyń bastamasy boıynsha quryldy. Olardyń ishinde Jastar jáne sport mınıstrligi, Otbasy jáne áleýmettik saıasat mınıstrligi, Júrekti qorǵaý qory, Baýyrdy qorǵaý uıymy, Jol qozǵalysynyń ystambuldyq qory jáne Jol-kólik oqıǵalarynyń aldyn-alý qaýymdastyǵy bar.
